Turmush — Исмаилов Уларбек Табалдиевич Жалал-Абад шаарынын мэринин коммуналдык маселелер боюнча орун басары болуп дайындалды. Бул тууралуу мэриядан кабарлашты.
Маалыматка караганда, анын бул кызматка дайындалышы боюнча буйрукка шаар мэри Эрнисбек Ормоков кол койду. Жаңы вице-мэрди эмгек жамаатка бүгүн 6-сентябрда тааныштырышты.
У.Исмаилов буга чейин президенттин Жалал-Абад облусу боюнча ыйгарым укуктуу өкүлчүлүгүндө аппарат башчысы болуп эмгектенип келген.
Буга чейин мэрдин коммуналдык маселелер боюнча орун басары болуп Жаныш Раимжанов иштеп келген. Ал башка жумушка которулгандыгына байланыштуу кызматынан бошотулган.
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
