Бөлүмдөр
Дүйшөмбү, 17-февраль
Жалал-Абад облусуЖалал-Абад 23.01.2020 17:54

Жалал-Абадда үй-бүлөлүк зомбулуктун алдын алуу иштери күчөтүлөт

Turmush -  Жалал-Абад шаарынын №5 Б.Осмонов атындагы гимназия-мектебинде милиция кызматкерлери, жергиликтүү бийлик жана дин өкүлдөрү окуучулардын ата-энелери менен жолугушуу өткөрүштү. Бул тууралуу ОИИБдин басма сөз кызматы билдирди.

Маалыматка караганда, үй-бүлөлүк зордук-зомбулуктун алдын алуу багытында жумуштарды күчөтүү керектиги белгиленди. Милиция кызматкерлери жергиликтүү бийликтин өкүлдөрүн ата-энелерге көмөктөшүп, мектептерде уюштурулган иш-чараларга катышып, балдардын укуктарын колдоого чакырык ташташты.

Жолугушуунун жүрүшүндө ата-энелер жергиликтүү бийликтин өкүлдөрүнүн жана милициянын сунуштарын колдоп, өздөрүнүн ой-пикирлери менен бөлүштү. Жыйында 2020-жылга карата ШИИБ жана шаардык билим берүү бөлүмү балдарды колдоодо, зордук-зомбулукка, кылмыштуулукка каршы күрөшүүдө атайын пландын негизинде иш-чараларды кабыл алышып, иш жүзүнө ашыра турганын белгилешти.

Жалал-Абад шаарында жалпысынан 20 мектеп бар. Алардын коопсуздугуна өспүрүмдөр менен иштөө инспекциясынын 7 кызматкери көзөмөл кылышат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×