Бөлүмдөр
Дүйшөмбү, 17-февраль
Жалал-Абад облусуЖалал-Абад 22.01.2020 16:33

Түнкүсүн эки унааны уурдап, айдап качкан жаш жигиттер кармалды

иллюстрациялык сүрөт
иллюстрациялык сүрөт

Turmush -  Жалал-Абад облусунда автоунаа уурдагандар кармалды.

ОИИБдин басма сөз кызматынын маалыматына караганда, ушул жылдын 19-январында Жалал-Абад шаарынын 1960-жылы туулган тургуну С.У. милицияга арыз менен кайрылган. Ал 19-январга караган түнү өзү жашаган көп кабаттуу үйдүн алдындагы унаа токтотуучу жайга «Хендай Аванте» үлгүсүндөгү унаасын токтотуп койгон жеринен белгисиз адамдар уурдап, айдап кетишкенин билдирген.

Мындан тышкары Жалал-Абад шаарынын 1994-жылы туулган тургуну С.Т. дагы 19-январда арыз менен кайрылып, анда 19-январга караган түнү саат 23:50 чамасында Жалал-Абад шаарындагы көп кабаттуу үйлөрдүн биринин алдына токтотуп койгон «Дэу Тико» үлгүсүндөгү унаасын белгисиз кылмышкерлер уурдап кетишкенин билдирген.

«Бул фактылар боюнча топтолгон материалдар Жалал-Абад ШИИБдин Кылмыштардын жана жоруктардын бирдиктүү реестрине Жазык кодексинин 206-беренеси (Автотранспорт каражаттарын айдай качуу) менен катталып, сотко чейинки өндүрүш иши ачылган. Жогорудагы фактылар боюнча ОИИБдин жана ШИИБдин Криминалдык милиция кызматы тарабынан жүргүзүлгөн ыкчам-иликтөө иштеринин натыйжасында Ноокен районунун 2002-жылы туулган Б.А. жана 2002-жылы туулган У.Э. аттуу тургундары кармалып, учурда тергөө амалдары жүргүзүлүп жатат», - деп айтылат маалыматта.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×