Бөлүмдөр
Шаршемби, 16-октябрь
Жалал-Абад облусу, Жалал-Абад 27.09.2019 12:33

Жалал-Абадда инспекторлор окуучуларга жолдо жүрүүнүн эрежелерин үйрөтүштү

Turmush -  Жалал-Абад облусунун аймагында жол кырсыктарын алдын алуу максатында түшүндүрүү иштери жүргүзүлүп жатат, деп билдирди аймактык кабарчы.

25-26-сентябрь күндөрү Аксы, Базар-Коргон райондорунда жана Кара-Көл, Таш-Көмүр, Майлуу-Суу шаарларында ЖККК бөлүмүнүн кызматкерлери «Жол кыймылынын жаш инспектолору» командаларынын окуучулары менен биргеликте жол кырсыктарын алдын алууга багытталган иш-чараларды өткөрүштү.

Кызматкерлер башталгыч класстардын окуучуларына жолдо жүрүүнүн тартибин, эрежелерин айтып беришти. Аксы районунда жана Кара-Көл шаарында мектепке жакын жайгашкан жөө адамдар өтүүчү өтмөктө жаш инспекторлор менен биргеликте иштешкен.

Облустун аймагында инспекторлор саат 07:30дан саат 08:30га чейин жолго жакын жайгашкан мектептердин алдында окуучулардын коопсуздугун камсыз кылуу максатында иш жүргүзүп жатышат.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×