Бөлүмдөр
Шаршемби, 16-октябрь
Жалал-Абад облусу, Жалал-Абад 25.09.2019 16:22

Жалал-Абадда студенттер баңгизат тапкан кызматтык иттердин өнөрүнө күбө болушту

Turmush -  Кыргыз милициясынын 95 жылдыгына карата Жалал-Абад облустук ички иштер башкармалыгында студенттер үчүн ачык эшиктер күнү болуп өттү. Бул тууралуу аймактык кабарчы билдирди.

Маалыматка караганда, анда №704 ички аскерлер бөлүгүнүн жана «Шумкар» атайын багыттагы полкунун кызматкерлери саптык даярдык боюнча көнүгүүлөрдү көрсөтүштү.

Кайгуул күзөт кызматы тарабынан «Массалык баш аламандыкка каршы аракеттер» көргөзмө көнүгүүлөр болду. Саамалыктын жүрүшүндө кинология борборунун кызматтык иттери катар турган кутучалардын биринен баңгизат салынган кутучаны таап чыгышты. Баңгизат менен качып бара жаткан кылмышкер кызматтык иттердин жардамы менен кармалган көрүнүш тартууланды.

Башкармалыктын борбордук аппараты, «Шумкар» атайын багыттагы полкунун Жалал-Абад шаарындагы өзүнчө ротасы, облустук жол кыймылынын коопсуздугун көзөмөлдөө башкармалыгы, кайгуул күзөт кызматынын өзүнчө ротасы, №704 ички аскерлер бөлүгү, күзөт кызматынын тез чара көрүү тобу, кинология борбору, криминалдык милиция кызматы, криминалисттик-эксперттик бөлүмүнүн жана бирдиктүү терезе кызматынын кызматкерлери тарабынан атайын техника, курал-жарак жана криминалисттик-эксперттик чемодандар, кызматтык бөлмөлөр көрсөтүлүп, ар биринин иштөө тартиби боюнча студенттерге түшүндүрмө берилди.

Ошондой эле студенттерге экстремизм, терроризм боюнча маалымат берилди.

ОИИБдин башчысы Кылыч Жолдошов студенттер менен баарлашып, алардын түрдүү суроолоруна жооп берип, жаштарды ар кандай кылмыштардан оолак болууга чакырды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×