Бөлүмдөр
Шаршемби, 16-октябрь
Жалал-Абад облусу, Жалал-Абад 14.09.2019 12:31 На русском

Жалал-Абаддагы жайлоодо калың карда калган 18 чабан 17,1 миң баш малы менен куткарылды

Turmush -  Жалал-Абад облусунда калың жааган кардан улам жайлоолордон 18 чабан, 16 миң 616 баш кой-эчки, 500 баш бодо мал, 55 баш жылкы (жалпы 17 миң 171 баш мал) түшүрүлгөн. Алардын ичинен 65 кой өлгөнүн Өзгөчө кырдаалдар министрлигинин басма сөз кызматы билдирди.

Алдын ала маалыматтар боюнча, Токтогул районунда 9-сентябрь күнү кар жаап, Кемпир-Өлдү жайлоосунда 2 чабан малы менен калган. Алардын туугандары 13-сентябрь күнү саат 09:15те жардам сурап кайрылышкан. Куткаруу иштерине ӨКМдин Токтогул райондук №97 өзгөчө кырдаалдар бөлүмүнөн атайын куткаруу унаасы менен 4 куткаруучу жөнөтүлгөн болчу. 13-сентябрь күнү 2 чабан 1 миң баш кою менен коопсуз жайга түшүрүлдү.

ӨКМ жарыялаган видео

Ошондой эле 9-сентябрь күнү калың жааган кардын кесепетинен Кичи-Суусамыр жайлоосунда 7 чабан малы менен калып калган. Аларды куткаруу максатында Токтогул райондук №97 ӨКБдан 4 куткаруучу, РИИБдин 1 кызматкери жана тез жардам кызматынан 1 адис тартылган. 12-сентябрь күнү 7 чабанды 460 баш бодо малы, 10 миң кою жана 40 жылкысы менен коопсуз жайга түшүрүшкөн. Малдын ичинен 50 кой өлгөн. Ал эми башка 2 чабан мал-жандыгы менен 12-сентябрь түнкү саат 03:00дө жайлоодон өз алдынча айылдарына түшүп келишкен.

10-сентябрь күнү Чүй облусунун Жайыл районунун Сосновка айылынын тургундары 18 баш жылкысы менен Токтогул районуна чектеш Арамза жайлоосунда калып калышкан. Алар малды Суусамыр жайлоосунан айдап өтө алышпай, Токтогул районунун Толук айылы аркылуу айдап түшүү үчүн 13-сентябрь күнү Токтогул райондук ӨКБга жардам сурап кайрылышкан. Аларга жардам берүү максатында 14-сентябрь күнү саат 07:00дө Токтогул райондук №97 ӨКБдан 5 куткаруучу жана жергиликтүү тургундардан 2 адам тартылган.

Аксы районунда 10-сентябрь күнү кар жаап, Ак-Суу айыл өкмөтүнө караштуу Кум-Бел менен Миң-Бугу жайлоолорунда чабандар малы менен калып калышкан. Аларга жардам берүү үчүн Аксы райондук №71 ӨКБдан атайын куткаруу унаасы менен 6 куткаруучу, Кара-Суу айыл өкмөтүнүн жайыт комитетинен 1 кызматкер, туугандарынан 5 адам, Аркыт токой чарбасынан 5 кызматкер жана РИИБден 4 кызматкер тартылган. Алар саат 16:00дө Кызыл-Көл айылына жетишип, ал жактан 2 топко бөлүнүп, Кум-Бел жана Миң-Бугу жайлоолорун көздөй чыгып кетишкен.

1-топ 12-сентябрь күнү саат 16:00дө Кум-Бел жайлоосуна жетип, чабандарды мал-жандыктары менен кар күрткүсүнөн өткөрүшүп, туруктуу жайгашкан ордуна жеткиришкен (чабандар ар кайсы айыл өкмөттөн болгондуктан малдын санын тактоого мүмкүнчүлүк болгон жок). Болжол менен 3 чабандын 8 жылкысы жана 13 баш кою өлгөн. Ыкчам түзүлгөн топ Кум-Бел жайлоосунда түнөп калышкан.

Ал эми 2-топ 13-сентябрь күнү Миң-Бугу жайлоосуна жетип,3 чабанды болжол менен 2 миң 16 кой-эчкиси жана 10 бодо малы менен төмөн тарапка түшүрүшкөн. Андан тышкары 3 чабан 15 жылкы, 30 баш бодо мал жана 1 миң 900 кой-эчкиси менен түшүрүлгөн. Миң-Бугу жайлоосунан жалпысынан 6 чабан 3 миң 916 кой-эчкиси, 40 баш бодо малы жана 15 жылкысы менен түшүрүлгөн. Ал эми Кум-Бел жайлоосунда 5 чабан малы менен жайлоодо калган.

Сузак районунда 9-сентябрда кар калың жаап, Сары-Кыр тилкесинде 1 чабан малы менен калып калган. Аны куткаруу үчүн Сузак райондук ӨКБдан ыкчам топ түзүлүп, РИИБден 2 кызматкер жана жергиликтүү тургундардан 4 адам дагы тартылган. 10-сентябрь күнү чабан болжол менен 700 кою менен төмөн тарапка түшүрүлгөн. Анын 15 кою өлгөн.

9-сентябрда Тогуз-Торо районунда Кыл-Дөө айыл өкмөтүнүн Саймалуу-Таш тилкесинде 2 чабан малы менен калган. Аларга жардам берүү максатында Тогуз-Торо райондук №46 ӨКБдан 1 куткаруучу, жергиликтүү тургундардан 3 адам, Тогуз-Торо районунун Саймалуу-Таш мамлекеттик жаратылыш коругунан 3 кызматкер тартылган. Алардын жардамы менен 10-сентябрь күнү 2 чабан болжол менен 1 миң кою менен чогуу төмөн тарапка түшүрүлгөн.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Тема боюнча:

12.09.2019Аксыдагы жайлоодо калың жааган кардан улам малчыларды көчүрүп келүү аракеттери көрүлүп жатат
12.09.2019Суусамырда кар жаап, токтогулдук малчыларды көчүрүп келүү иштери жүрүп жатат
12.09.2019Жумгалда кар жааган жайлоодо калган малчыларды көчүрүү аракеттери көрүлүп жатат
12.09.2019Суусамырда жааган кардан улам Чүйдүн малчылары көчүрүлүп жатат
13.09.2019Суусамырдын Арамза жайлоосунда карда калган малчыларды көчүрүп келүү аракеттери көрүлүп жатат
21.08.2019Ак-Суунун жайлоосуна 3 күн кар жаап, чабандарга азык-түлүк жеткирүүгө мүмкүнчүлүк болбой жатат. Сүрөт
13.09.2019Жумгалдагы кар жааган жайлоодон 3 чабан, 2100 баш кой, 13 баш бодо мал көчүрүлдү
14.09.2019Суусамырдагы жайлоодо калың карда калган чабандар куткарылууда (сүрөт)
Пикирлер
Для добавления комментария необходимо быть нашим подписчиком
×