Бөлүмдөр
Шаршемби, 16-октябрь
Жалал-Абад облусу, Жалал-Абад 12.09.2019 17:33

Жалал-Абаддын борбордук базарында өрттүк-тактикалык машыгуу өттү

Turmush -  Жалал-Абад шаардык өзгөчө кырдаалдар бөлүмү, ӨКМдин облустук башкармалыгы борбордук «Береке» жана курулуш материалдары базарында капилеттен өрттүк-тактикалык машыгуу өткөрдү. Бул тууралуу ӨКМдин шаардык бөлүмүнүн башчысынын орун басары Кубатбек Нурбаев билдирди.

ӨКМдин шаардык бөлүмүнүн башчысынын орун басары Кубатбек Нурбаевдин айтымында, бул иш-чара базарларда өрт коопсуздугун алдын алуу максатында уюштурулган.

«Борбордук базарларга өрт өчүрүүчү унаа тоскоолдуксуз киргени менен базардын ички бөлүктөрүндө соодагерлер белгиленген сызыктан чыгып алганы бир топ ыңгайсыздыкты жаратты. Мындан сырткары базардын ээлеринин жана кароолчунун иш ордунда жоктугу да мүчүлүштүктөрдү алып келди. Анткени базар ичиндеги электр энергия өчмөйүнчө биздин кызматкерлер суу менен өчүрө албайт. Ошондуктан базардын ээлери электр энергиянын борборлоштурулган бөлүктөрүн ачык жерде орнотушса өрт өчүрүүчү кызматкерлерге жеңил болмок», - дейт ал.

Иш-чаранын жүрүшүндө ӨКМдин шаардык бөлүмүнүн кызматкерлери өрт өчүрүүчү унаалары менен кирип, жарандарга өрт учурда кантип коргонуу жана тилсиз жоодогу эрежелер тууралуу түшүндүрүп беришти.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×