Бөлүмдөр
Жума, 20-сентябрь
Жалал-Абад облусу, Жалал-Абад 23.08.2019 17:52

Жалал-Абаддын борбордук базарындагы өрттүн чыгымы 45 млн сомду түздү

Turmush -  Жалал-Абад шаарындагы борбордук базарда өрттөнгөн жердин аянты 3600 чарчы метрди түзүп, 5 катар жайгашкан 174 соода орундары күйгөн. Бул тууралуу Жалал-Абад ОИИБдин басма сөз кызматы кабарлады.

Маалым болгондой, аталган факт КРнын Жазык кодексинин 261-беренесинде көрсөтүлгөн кылмыштын белгилери боюнча кылмыштардын жана жоруктардын бирдиктүү реестрине катталып, сотко чейинки өндүрүш башталды. Өрт-техникалык экспертиза да дайындалган.

«Өрттүн кесепетинен жабыр тарткандардын айтымында, болжолдуу 45 миллион сомдук материалдык зыян болгон. Алдын ала алынган маалыматка караганда, өрт электр тогунан пайда болгон», - деп айтылат маалыматта.

23-августка караган түнү Кочкор-Ата шаарындагы борбордук базардын түндүк тарабынан өрт чыгып, 3 дүкөнчө азык-түлүктөрү менен кошо күйгөн. Болжолдуу материалдык чыгым 1 миллион 500 миң сомду түзөт. Бул факт боюнча да экспертиза дайындалды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×