Бөлүмдөр
Жума, 20-сентябрь
Жалал-Абад облусу, Жалал-Абад 21.08.2019 10:15 На русском

Сүрөт — Жалал-Абаддын борбордук базарындагы ири өрттүн кесепеттери

Turmush -  Жалал-Абад шаарынын Бакиев көчөсүндөгү борбордук базардан чыккан өрттүн кесепетинен болжол менен 2 миң 400 чарчы метр аянт күйүп кетти, деп билдирди ӨКМдин басма сөз кызматы.

Аймактык кабарчы жеринен билдиргендей, базардын 4 катары күйгөн. Негизинен косметика, кийим-кече сатылган соода түйүндөр өрттөнгөн. Алардын ичинде 3 ашкана да бар.

Өрт бүгүн, 21-августка караган түнү саат 01:00 чамасында чыккан.

Өзгөчө кырдаалдар министрлигинин басма сөз кызматынын маалыматына караганда, өрттү өчүрүүгө 5 өрт-куткаруу бөлүмү тартылган. Мындан сырткары Жалал-Абад шаардык электр тармактар ишканасынан 1 бригада барып, өрт саат 01:50дө чектөөгө алынды. Саат 04:15те толугу менен өчүрүлгөн.

Былтыр, 2018-жылдын апрель айында ушул эле борбордук базарда катталган өрттөн 58 соодагер жабыркаган.

Такталган маалымат боюнча, борбордук базардын 1 миң 279 чарчы метр аянты күйгөн. Соодагерлер келтирилген материалдык чыгымды 30 миллион сомго баалашкан.

Толук маалымат бул шилтемеде

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×