Бөлүмдөр
Жума, 20-сентябрь
Жалал-Абад облусу, Жалал-Абад 19.08.2019 12:47

Жалал-Абадда бир катар милиционерлер «Азамат» медалы менен сыйланды

Turmush -  Бүгүн, 19-августта Жалал-Абад облусунда ички иштер органдарында көп жылдан бери үзүрлүү кызмат өтөгөнү үчүн бир катар кызматкерлер ИИМдин I, II, III даражадагы «Азамат» медалы менен сыйланышты. Бул тууралуу ОИИБдин басма сөз кызматы билдирди.

Маалыматка караганда, алардын кылмыштуулук менен күрөшүүдө мыктылыгын көргөзүп, өздөрүнүн кызматтык милдеттерине карата жоопкерчиликтүү мамиле кылганы, Курман айт күнү жана башка учурларда коомдук коопсуздукту камсыздоодо чоң салымын кошуп жатышканы белгиленди.

Мындан сырткары өздөрүнүн белгиленген багытында кызмат ѳтѳп жатып, тейлеген аймакта болгон уурулук фактысынын изин суутпай ачышып, шектүүнү колго түшүрүп, кылмыштын бетин ачууда кесипкѳйлүгүн кѳрсѳтүшкѳн милициянын кайгуул күзѳт кызматынын бир нече кызматкерлери ОИИБдин ардак грамоталары менен сыйланышты. Ошондой эле кызматка дайындалган кызматкерлер өздүк курамга тааныштырылды.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×