Бөлүмдөр
Шаршемби, 16-октябрь
Жалал-Абад облусу, Жалал-Абад 01.08.2019 19:36 Жаңыланды: 01.08.2019 20:10 На русском

Өспүрүм кызды келинге айландырган жигит. Сүрөт

Иллюстрациялык сүрөт
Иллюстрациялык сүрөт

Turmush -  Жалал-Абадда 16 жашка толо элек кызга баш кошуп, издөөдө жүргөн жаран кармалды. Бул тууралуу Жалал-Абад ОИИБдин басма сөз кызматы билдирди.

Маалым болгондой, 2017-жылдын июнь айында Жалал-Абад шаарынын 1996-жылы туулган тургуну Т.Н. Сузак районунун 2001-жылы туулган тургуну А.А. менен анын 16 жашка толо электигин билип туруп турмуш курган. Жашы жете элек кыз 2018-жылдын октябрь айында төрөгөн.

Аталган окуя Кылмыштардын жана жоруктардын бирдиктүү реестрине «16 жашка жете элек адамга сексуалдык мүнөздөгү аракеттер» фактысы менен катталган.

«Шектүү Т.Н. жүргөн жерин жашырып, тергөөдөн качканына байланыштуу 2019-жылдын 1-майында Жалал-Абад шаардык сотунун токтому менен бөгөт коюу чарасы каралып, камак түрү тандалган. Буга байланыштуу Жалал-Абад ШИИБдин криминалдык милиция кызматы тарабынан издөө жарыяланган. Жүргүзүлгөн ыкчам иш-чаралардын натыйжасында 31-июлда шектүү Т.Н. кармалып, Жалал-Абад ШИИБдин убактылуу кармоочу жайына киргизилди. Учурда тергөө амалдары жүрүп жатат», - деп билдиришти басма сөз кызматтан.

Шектүү

Подозреваемый парень

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×