Бөлүмдөр
Бейшемби, 20-июнь
Жалал-Абад облусу, Жалал-Абад 16.11.2018 13:22

Жалал-Абадда жол кырсыктан жабыркаган жарандардын өздүгү аныкталды (тизме)

Turmush -  Жалал-Абад шаарында жол кырсыктын кесепетинен жаракат алган жарандардын өздүгү аныкталды.

Облустук ооруканадан алынган маалыматка караганда, жол кырсыктан 5 адам жабыркап, 3 адам ооруканага түшкөн. Ал эми жеңил жаракат алган 2 адамга жеринде медициналык жардам көрсөтүлгөн.

Ооруканага түшкөн жарандар:

- 1951-жылы туулган И.Ахрорхожа, Сузак районунун Таш-Булак айылынын тургуну. Ички органдары үзүлүп, бир нече жаракат алган. Оор абалда хирургия бөлүмүнө жаткырылган;

- 1952-жылы туулган Н.Тажикан, Сузак районунун Таш-Булак айылынын тургуну. Баш мээсинен жаракат алган. Абалы орто оор, нейрохирургия бөлүмүнө жаткырылган;

- 2003-жылы туулган Ш.Нуртилек, Сузак районунун Кызыл-Туу айылынын тургуну, баш мээсинен жана буттарынын муундарынан жаракат алган. Ага амбулатордук жардам көрсөтүлгөн.

Буга чейин маалымдалгандай, жол кырсык 15-ноябрда саат 14:00 чамасында Жалал-Абад шаарынын Жусупбек Бакиев жана А.Пушкин көчөлөрүнүн кесилишинде катталган. Анда «Volsvagen Passat», «Volkswagen Golf 3» жана «Daewoo Matiz» үлгүсүндөгү унаалар кагышып, бири оодарылып кеткен. Анын кесепетинен 5 адам жабыркаган.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Пикирлер
Для добавления комментария необходимо быть нашим подписчиком
×