Бөлүмдөр
Жекшемби, 20-январь
Жалал-Абад облусу, Жалал-Абад 12.04.2018 14:34

Жалал-Абадда «Элдер достугу—2018» фестивалында манты жасалып, конокторго тартууланды (фото)

Turmush -  Бүгүн, 12-апрелде Жалал-Абад шаарында ар улуттун ортосундагы достукту даңазалоого багытталган «Элдер достугу—2018» фестивалы болду. Бул тууралуу аймактык кабарчы билдирди.

Фестивалга жалпы алты улуттун өкүлдөрү катышып, өзүлөрүнүн улуттук тамак-ашын, маданиятын көрсөтүштү.

«Фестивалда ар улуттун өкүлдөрү өзүлөрүнүн маданиятын, улуттук кийимдерин, оюндарын жада калса улуттук тамак-аштарынын көргөзмөлөрүн келген конокторго тартуулады. Иш-чаранын негизги максаты улуттар аралык ынтымакты чыңдоо, ар улуттун элдеринин достугун бекемдөө болуп саналат. Мындай иш-чаралар жыл сайын өткөрүлүп келет. Алдыда шаардагы түрк элдеринин майрамын жана татар элдеринин «Сабантой» майрамын өткөрүүнү пландап жатабыз», - дейт Жалал-Абад шаардык мэриясынын уюштуруу бөлүмүнүн башчысы Малика Мустапакулова.

Уйгур улутундагы элдердин атынан фестивалга катышкан Рабия Сангилова иш-чара мыкты уюшулганын белгилейт.

«Бүгүнкү иш-чара мыкты деңгээлде болуп жатат. Ар улуттун өкүлдөрү өзүлөрүнө эмне тиешелүү болсо ошонун баары көрсөтүлүп, мындан сырткары улуттук оюн-зооктор өткөрүлдү. Биз бүгүн башка элдерден айырмаланып, улуттук тамактарыбыздын бири болгон мантыны ошол жерден жасап, келген коноктордун баарысына даам сыздырдык. Улуттар аралык достук мындан ары да бекемделе берсин», - дейт Р.Сангилова.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×