Бөлүмдөр
Бейшемби, 18-октябрь
Жалал-Абад облусу, Жалал-Абад 20.12.2017 11:31

Жалал-Абадда үй-бүлөдөгү зомбулукту алдын алуу талкууланды

Turmush -  Жалал-Абад шаарында үй-бүлөдөгү зордук-зомбулукту алдын алуу боюнча семинар өттү. Бул тууралуу аймактык кабарчыга иш-чаранын уюштуруучусу Гүлмайрам Аттокурова билдирди.

Анын айтымында, акыркы жылдары үй-бүлөдөгү зомбулуктардын саны өсүп, анын кесепетинен аялдардын жана балдардын жашоосунда көйгөйлөр пайда болуп жатат.

«Мындай терс көрүнүштөрдү алдын алуу үчүн комплекстүү аракеттерди жасап, биргеликте күрөшүү зарыл. Иш-чара «Ариет — аялдардын укугун коргоо» коомдук фонду тарабынан АКШнын мамлекеттик департаментинин «Кыргызстанда гендердик теңсиздик жана зордук-зомбулуктун алдын алуу» долбоорунун негизинде уюштурулду», - деди ал.

Иш-чарага шаардагы аймактык башкаруунун өкүлдөрү, Сузак районунун аксакалдар соту жана өспүрүмдөр менен иш алып баруучу инспекторлор катышты. Семинардын жүрүшүндө аксакалдар сотунун төрагалары зомбулукту токтотуунун ар кандай жолдорун сунуштап, катышуучулар «Үй-бүлөдөгү зомбулуктан социалдык укуктук коргоо жөнүндө» мыйзам тууралуу кеңири маалымат алышты.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
×