Бөлүмдөр
Дүйшөмбү, 16-июль
Жалал-Абад

Жалал-Абадда «Бийлейли кыргыз бийлерин!» аттуу фестиваль өттү (фото)

Turmush -  Жалал-Абад шаарында 21-сентябрда «Бийлейли кыргыз бийлерин!» аттуу фестиваль болуп өттү, деп билдирди аймактык кабарчы.

Ага шаардагы кыздардын «Ай-бий», «Сайма», «Гүлкайыр», «Баян», «Даткайым» командалары катышты. Фестивалдын максаты — кыргыз бийи менен ырларын даңктоо болду. Анда Маданият, маалымат жана туризм министрлигинин облустагы өкүлү Р.Козукеев, бир нече кароо-сынактарга катышып, байгелүү орундарга жетишип жаткан «Ай-бий» тобунун көркөм жетекчиси Айпери Нурлан кызы министрликтин жакындагы буйругу менен «КРнын маданиятынын мыктысы» төш белгиси менен сыйлангандыгын, аны төш белги келгенде тапшыраарын билдирди.

Облустук телеканал тарабынан уюштурулган иш-чарада ЖМТРКнын төрагасы Т. Алдакулов бий өнөрүн өркүндөтүүгө катышканы жана көрүүчүлөргө рухий азык тартуулаганы үчүн фестивалдын катышуучуларына ардак грамоталарды тапшырды.

Сиздин реакция: Эркек Аял
Күлкүлүү
Капалуу
Таң калуу
Ачуулануу
Необходимо авторизоваться
Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Кароолор: 1248
Көп окулду
×