Бөлүмдөр
Жекшемби, 20-январь
Жалал-Абад облусу, Жалал-Абад 24.05.2016 15:35

Жалал-Абадда бий фестивалы өтүүдө

Turmush -  Жалал-Абад шаарындагы «Курманбек» стадионунда Маалымат, маданият жана туризм министрлигинин жана Жалал-Абад шаарындагы «Ай-Бий» бийчилер тобунун демилгеси менен республикалык бий фестивалы өтүүдө.

«Ай-Бий» бийчилер тобунун 10 жылдыгына карата уюштурулган фестивалга Ош, Чүй, Талас облустарынан жана Кара-Көл шаарынан келген бий топтору катышууда.

Ачылышына өкмөттүн Жалал-Абад облусундагы ыйгарым укуктуу өкүлүнүн орун басары Бактыбек Анаркулов, шаардык кеңештин төрагасы Эрнисбек Ормоков жана Маалымат маданият жана туризм министрлигинен келген өкүлдөр катышты.

Э.Ормоков «Ай-Бий» бийчилер тобун 10 жылдык мааракеси менен куттуктап, чыгармачылык ийгиликтерди каалады.

«Бүгүнкү иш-чара Тарых жана маданият жылынын урматына өткөрүлүп жатат. Жалал-Абад шаарында Борбор Азияга белгилүү болгон эки бийчилер тобу бар. Анын бири «Сайма» бийчилер тобу болсо, экинчиси «Ай-Бий» бийчилер тобу. Алыскы облус, шаарларыбыздан келген бийчилерге да ыраазычылык билдирип, ийгиликтерди кааалайм», - деди Э.Ормоков.

Бул макала Turmush басылмасынын интеллектуалдык жана автордук менчиги болуп саналат. Материалды сайттан көчүрүп алуу редакциянын жазма уруксаты менен гана мүмкүн.
Комментарии
Для добавления комментария необходимо быть нашим подписчиком
Көп окулду
×